WorldPulse Innovators-ը բիզնես ծրագիր է, որը մատուցում է հեռավար թվային ծառայություններ։ Այն հիմնադրվել է 2023 թվականի դեկտեմբերի 4ին։

Ծրագրի նկարագիրը և նպատակը։  WorldPulse Innovators-ը թվային ծառայություններ է մատուցում ՄԵՄ-ում և ՄԵՄից դուրս։ Այն բաղկացած է խելացի և առաջնորդող անհատներից, որոնց ընդհանուր նպատակն է՝ հասնել ֆինանսական անկախության, բազմապատկել իրենց ռեսուրսները և դրական ազդեցություն թողնել համայնքների վրա: Թիմը բազմապատկում է իր հաջողությունները հիմնվելով այնպիսի արժեքների վրա, ինչպիսիք են` հայրենասիրությունը, նորարարությունը, վստահությունը, կարգապահությունը, արդարությունը, արհեստավարժությունը և հոգատարությունը։


WorldPulse Innovators

Buildgenius-ը բիզնես ծրագիր է ՄԵՄ-ում, որը զբաղվում է թիմբիլդինգային խաղերի կազմակերպմամբ։ Հիմնադրվել է 2023թ-ի սեպտեմբերին։ 
Ծրագիրը համագործակցելով ՄԵՄ Ժամանցի բաժնի հետ մարզայցերի ընթացքում կազմակերպում է ժամանցային, ինքնաճանաչողական և այլ թիմբիլդինգային խաղեր։ 
Ծրագիրը համագործակցում է նաև այլ կազմակերպությունների հետ, նրանց համար ևս կազմակերպելով թիմբիլդինգային խաղեր։



Buildgenius

SkillUnity-ն ՄԵՄ բիզնես ծրագիր է, որը մատուցում է թվային ծառայություններ՝ ֆրիլանս ձևաչափով։

Ծրագրի նպատակն է մարզերի երեխաների հմտությունները միավորելով, մատուցել թվային ծառայություններ, թե՛ ՄԵՄ-ի ցանցում, թե՛ ցանցից դուրս։Ծրագիրը հնարավորություն է տալու իր թիմակիցներին հմտանալ թվային աշխարհում, կիրառել հմտությունները՝ տարբեր պրոյեկտների վրա աշխատելով  և գումար վաստակել՝ չհեռանալով իր մարզից։


SkillUnity

Արմատները հայագիտական ոչ ֆորմալ կրթական հարթակ է, որի նպատակը կարճաժամկետ կրթական ծրագրերի իրականացումն է Սփյուռքում հայագիտական առանցքային համարվող առարկաների ուղղությամբ։ Այդ ամենին նպաստելու ենք նաև հայանպաստ և հայրենաճանաչողական արշավներով։


Արմատներ

MEM Freelance Service-ը բիզնես ծրագիր է, որը մատուցում է հեռավար թվային ծառայություններ։ Այն հիմնադրվել է 2023 թվականի, հունվարի 19-ին։

Ծրագրի նկարագիրը և նպատակը. MEM Freelance Service-ը հեռավար թվային ծառայությունների առաջատար մատակարար է: Այն առաջարկում է մի շարք բարդ և շահավետ լուծումներ հաճախորդներին թե՛ ՄԵՄ (Մարզերի Երեխաները Մարզերում ՀԿ) համայնքի ներսում և թե՛ դրանից դուրս: Այս թիմը կազմված է ՄԵՄ ցանցի առավել մոտիվացված և կայացած անդամներից, և այս եզակի ծրագիրը տարբեր տարածաշրջաններից երիտասարդներին հնարավորություն է տալիս ձեռք բերել նոր հմտություններ, գումար վաստակել տնից և ստանձնել դժվար ու իմաստալից առաջադրանքներ:



MEM Freelance Service

2020 տարում երեխաների օֆֆլայնացման համար մեծ խոչընդոտ էր հանդիսանում քովիդը, սակայն ՄԵՄ կամավորների համար դա չէր կարող խոչընդոտ մնալ, մենք որոշեցինք ստեղծել ֆեսբուքյան խումբ, որտեղ յուրաքանչյուրս տեղադրում էինք տվյալ պահին մեր համայնքից լուսանկարներ կամ միանում էինք հատուկ թեմատիկայով չելենջներին. օրինակ՝ աղբահանություն.  մենք, կատարելով սանիտարական աշխատանքներ մեր համայնքում, տեղադրում էինք լուսանկարներ և այդկերպ ոգեշնչում մյուսներին։ Ֆեսբուքյան այդ խումբը, որի նպատակը Հայաստանը հենց հիմա ճանաչելն է, այժմ վերածվել է հիասքանչ կտավի՝ լի Հայաստանի անզուգական, ամենակախարդական ու հեքիաթային բնանկարներով։


Հայաստանը հենց հիմա

Changemaker's podcast ծրագիրը հիմնադրվել է 2022 թվականի մարտին։

Changemaker's podcast-ի նպատակն է բացահայտել մարզեցի երեխաներին, ՄԵՄ մենթորներին, լսել նրանց հաջողության պատմությունների, ձախողումների, խոչընդոտների մասին, ինչպես նաև ՄԵՄ-ում` նրանց ստացած հնարավորությունների մասին: 

Changemaker's podcast

Այս ծրագիրը՝ որպես հավաքագրման գործակալություն, մասնագիտացված է աշխատանք փնտրողներին՝ հնարավոր գործատուների հետ կապելու հարցում: Ծրագրի դերը կայանում է թեկնածուների որոնման, ստուգման, աշխատատեղի համապատասխանեցման և աշխատանքի ընդունման գործընթացը հեշտացնելու մեջ։

 Injob Recruitment

Armenian YouTubers-ը ՄԵՄ֊ի ծրագրերից է։ Հիմնադրվել է 2021 թվականի հունվարի 17֊ին։ Բացի յութուբյան ալիք լինելուց, նախագիծը հանդիսանում է թվային հմտությունների դասավանդման առցանց հարթակ։ 


 

Armenian Youtubers ծրագրի գաղափարը` թվային հմտությունների և գործիքների մասին հայալեզու բովանդակության ստեղծումն է, որը նպաստում է հայ հանրության շրջանում թվային գործիքների մասին տեղեկացվածության բարձրացմանը: Ծրագրի նպատակն է՝ դառնալ թվային բիզնես:


 

Armenian YouTubers-ը ապահովում է ծրագրի մատչելի բացատրություն, 

Ինֆորմատիվ նյութեր և ունի մշտապես թարմացվող տեսադարան։ Ուստի և, այն օգնում է լսարանին բացահայտել նոր ծրագրեր, մշտապես լինել թվային և շարժվել ժամանակին համահունչ։

Armenian Youtubers

Վերջին տարիներին սոցիալական մեդիան լիովին ինտեգրվել է մեր կյանք: Օրվա ընթացքում ժամանակի մեծ մասը մենք անցկացնում ենք սոցիալական ցանցերում և դա է հենց այն գլխավոր պատճառը, ինչի համար պետք է կարողանալ ճանաչել, վերլուծել և պաշտպանվել մեդիայից։ 

Նպատակն է՝ նպաստել մեդիագրագիտության տարածմանն ու կրթել մեդիագրագետ հասարակություն։ Նախագիծը միտված է օգնել ձեզ՝ համացանցում պաշտպանել ձեր անձնական տվյալները, ճիշտ կողմնորոշվել մեդիադաշտում, զարգացնել քննադատական մտածողություն, հաղթել ինֆորմացիոն պատերազմներում։

Էջին հետևելով սպասեք ոլորտային դասընթացների, վեբինարների և հանդիպումների, ինֆորմատիվ հրապարակումների։ Նախագծի շրջանակներում վերապատրաստելու ենք մարզեցի ակտիվ երիտասարդներին և դպրոց այցերի միջոցով տարածելու ենք մեդիագրագիտություն հասկացությունը։ Միասին կրթելու ենք մեդիագրագետ հասարակություն։

Media Advisor

«Անգլերենը բոլորի համար» ծրագիրը հնարավորություն է տալիս օնլայն սովորելու և բարելավելու անգլերենի իմացությունը՝ անկախ տարիքից, գտնվելու վայրից և ժամանակից։ 

Անգլերենը բոլորի համար / English for all

«Համակարգիչ +» ծրագրի նպատակն է «Մարզերի երեխաները մարզերում» ՀԿ-ի ակտիվ, նվիրված և գաղափարակից կամավորներին զինել անհրաժեշտ տեխնիկական միջոցներով։

Համակարգիչ +

Բիզնես ծրագիր, որի հիմնական նպատակն է օգնել մարդկանց տիրապետել համակարգչային և թվային գործիքների հետ աշխատելու հմտություններին։

Թվային Սերունդ

CreaTeam-ը թվային մարքեթինգի ընկերություն է, որը հանդիսանում է ՄԵՄ ծրագրերից։

CreaTeam

«Նվիրիր օր» ծրագիրը, իր գործունեությամբ, կապող օղակ է հանդիսանում համայնքների երիտասարդների և ռեսուրսների ու մենթորների միջև:  

Բարի գալուստ ՄԵՄ թիմեր